Betreff: Platt im OP
C=Chirurg, S=Schwester, A=Anästhesist, P=Patient
| C | Jo, denn wult wi mol kieken, wat wi em rutschneden künnt. Süster, Skalpell! |
| S | Skalpell. |
| C | Klemme! |
| A | Ick wult blots eben seggen, ... |
| C | Klappe! |
| S | Klappe? |
| C | Klemme! |
| S | Ober ji hebbt grod seggt: Klappe. - De hebb ick ober nich. |
| C | Klappe! - Klemme! |
| A | Druck is got. |
| C | Hold din Kaff. Anners geb ick di glieks Druck. - Tupper! |
| S | Hebbt wi nich. |
| C | Wi hebbt keene Tupper? |
| S | Hebbt wi noch nie nich hebbt. Wat schult wi ok mit Plastikdosen in OP. |
| C | Minsch!! Alkohol - |
| A | Nich im Dienst! - Or sünd wi all fardig? |
| C | Du schast still ween! Alkohol-Tuppers wult ich hebben! |
| S | Segg dat doch glieks. Dor hest een. Ober nich an kleien. |
| C | An de Fööt kunnst mi kleien. - Nodel un Foden! |
| A | Denn sünd wi doch all fardig? |
| C | Din Muul ward ick di dichtnein. |
| S | Dat betolt ober nich de Kass. |
| C | Ruhe! Wat ist dat her förn Saftloden? |
| P | Dat frog ick mi ok all längs. |
| C | Wat hest du denn to vermelden? |
| P | Ick dacht blots: Ob ji 'n beten tomoken künnt. Dat pliert nemlich dor bunnen. |
| C | Worum schlopt ji ok nich? |
| P | Wat wet ick? Bün ick de Sandmann? |
| C | Worum schlopt de nich? |
| A | Villicht hebb ick vergeten, den Gashohn optodrein. - Schall ick? |
| C | Nee, nu lohnt dat ok nich mi. Nu hebb ick em all dicht. |
| A | Denn sünd wi nu doch all fardig? |
| C | Töf en beten aff, denn mok ick di fardig. |
| S | Brukt ji mi noch? Or kann ick gohn? |
| C | Du blevst, bit dat ick segg: Fierobend! - Fierobend! |
| A | Köhm för all! |
| P | Un ick? |
| S | Du schast ok en kregen. Ober dat betolt nich de Kass. |
Schalten Sie auch nächstes mal wieder ein, wenn Sie Doktor Bob sagen hören wollen:
| C | Minsch, wat hest du döösbaddel egentlich studert? |
| A | Nischt. Dorum bün ick jo ok Minister för Gesundhet. |
| S | Un dat betolt de Kass? |
Gruß, Martin